Tročlana porodica, muž, njegova trudna supruga i četvorogodišnje dijete sletjeli su u kanjon rijeke Ibar, u blizini sela Batrage kod Tutina. Otac i dijete su spaseni, ali nažalost trudna žena je podlegla povredama.
Dijete i njegov otac su spaseni i trenutno su u stabilnom stanju, bez težih povreda, prenosi Kurir. Riječ je o porodici iz Tivta.
Nesreća se dogodila oko 19:30 sati. Hrabri policajci i spasioci brzo su reagovali i spustili se na dubinu od 100 metara.
Na terenu su spasilačke ekipe, vatrogasci spasioci, policija, Hitna služba i građani koji su udruženim snagama izvukli zarobljene.