Potpredsjednik Narodne stranke Miroslav Aleksić rekao je u emisiji “Iza vesti” na N1 da referendum o ustavnim promjenama u dijelu pravosuđa nije bio “promašen penal” za opoziciju.
“Mi smo zadržali mogućnost da poslije 3. aprila tražimo poništavanje pokradenog referenduma Aleksandra Vučića. Narodna stranka je donijela jasan stav, rekli smo da smo protiv, ali smo svim članovima rekli da svako po svojoj savjesti glasa. Ono što je pokazao je da je Aleksandar Vučić izgubio podršku svoje biračke mašinerije, nisu mogli da izvedu svoje ljude na glasanje”, rekao je.
Kaže da bi isto bilo da su na referendum izašli svi.
“Većina bi bila za ‘da’, nije RIK proglasio rezultate nego Aleksandar Vučić, tek u 22 sata. U velikim gradovima svuda je pobijedilo ‘ne’, opozicija nije imala snage da sada da pun maksimum za referendum, on to zna, zašto je to raspisao, to je njegova igra. Nije raspisao referendum da bi pomogao Srbiji, nego da bi nas još jednom prevario, da posvađa opoziciju, to je nelegitiman proces i to je suština. Znao je da nemamo snage da pokrijemo biračka mjesta dva puta za dva mjeseca. Fokus mora da nam bude na 3. aprilu, to je dan kada će se rješavati pitanje Rio Tinta u Srbiji, pitanje pravosuđa…Pravosuđe je bilo loše i prije ovog referenduma“, ocjenjuje potpredsjednik Narodne stranke.